Nagtapos ang kampanya ni two-time Southeast Asian Games judo gold medalist Shugen Nakano nang matalo kay 2023 Hungary Masters champion Ryoma Tanaka ng Japan sa pamamagitan ng eksplosibong Sode-Tsurikomi-Goshi sa Round of 16 sa men’s under-66kgs class sa Xiaoshan Linpu Gymnasium.
Naunang tinalo ng 26-anyos na Filipino-Japanese si Saoud Alamiri ng United Arab Emirates (UAE) dulot ng tatlong penalties na nagresulta sa hansokoumake sa round of 32.
Hindi rin pinalad na makausad sa preliminary rounds ng women’s under-48kgs si Leah Jhane Lopez matapos malamangan ni Abiba Abuzhakynova ng Kazakhstan sa iskor na waza-ari (half-point) kasunod ng kosoto-gake na throw.
“These athletes played really well. Unfortunately, they were paired against top seeds,” wika ni Philippine Judo Federation (PJF) secretary-general David Carter.
Nananatiling pambato ng Pilipinas si 2018 Jakarta-Palembang meet silver medalist Kiyomi Watanabe na sasabak sa women’s under-63kgs, gayundin sina two-time SEAG titlist Rena Furukawa sa women’s under-57kgs, SEAG medalist Keisei Nakano sa men’s under-73kgs, Ryoko Salinas sa women’s under-70kgs, Thailand Open Tournament winner Dylwynn Keith Gimena sa women’s under-78kgs, biennial meet silver medalists John Viron Ferrer sa men’s under-81kgs at Carl Dave Aseneta sa men’s under-100kgs.
Nalaglag ang isa sa tatlong pambatong women’s boxer ng bansa na si Southeast Asian Games medalist Aira Villegas nang talunin ito sa split decision ni Yesugen Oyuntsetseg ng Mongolia sa iskor na 1-3.. (Gerard Arce)
The post Judo, iba pang combat sports masama simula first appeared on Abante Tonite.
